PM:05:38:26/07/2024
84 جار خوێندراوەتەوە
+
-
وەزیرێ
پەترۆلا عێراقێ راگەهاند، ب مەرەما بلندکرنا ئاستێ بەرهەمئینانا کارەبێ،
وێستگەهەکا نووویا غازێ ل زەڤیا پەترۆلیا مەجنون ڤەکر. دبێژیت ژی، "ئەو
وێستگەهـ دشێت ٥٦ مێگاواتێن کارەبێ بەرهەمبئینیت و دەمژمێرێن دانا کارەبێ بلند
بکەت".
ئەڤرۆ ئەینیێ،
وەزارەتا پەترۆلا عێراقێ ڕاگەهاندنەک بەلاڤکر و تێدا هاتیە، ب پشکداریا حەیان
عەبدولغەنی، وەزیرێ پەترۆلا عێراقێ وێستگەها بەرهەمئینانا غازێ ل زەڤیا پەترۆلیا
مەجنون هاتە ڤەکرن.
ئاماژە ب وێ
یەکێ ژی هاتیە کرن، ل دەمێ ڤەکرنا وێ وێستگەهێ، وەزیرێ پەترۆلێ پشتەڤانیا وێ
وەزارەتێ بۆ وەزارەتا کارەبێ تەکەز کر و ڕاگەهاند، وێستگەها نووی شیانێن
بەرهەمئینانا کارەبێ ب رێژەیا ٥٦ مێگاواتێن دی بلند دکەت.
بەحسا وێ یەکێ
ژی کر، ئەو زەڤی غازا پێدڤی بۆ وێ وێستگەها کارەبێ دابین دکەت و ب هێلا نیشتیمانی
ڤە دهێتە گرێدان. گۆت ژی، "ئەو زەڤی جودا ژ دابینکرنا غازێ رۆژانە ٢٠٠ هزار
بەرمیلان دپارزینیت، ئەڤە ژی هاریکاریا وێستگەهان دکەت بۆ دابینکرنا رێژەیا پێدڤیا
سوتەمەنیێ د وەبەرئیانا کارەبێ دا".
تەکەزی ژی
لسەر وێ یەکێ کر، پێنگاڤێن وەزارەتا پەترۆلا عێراقێ پشتەڤانیێ ژ بلندکرنا ئاستێ
بەرهەمئینانا پەترۆل و غازێ دکەت، کو ئەو ژی هاریکار دبیت ژ وێ چەندێ وەزاەرتا
کارەبێ بلەزتر هەلبستیت ب تژیکرنا خاستا ناڤخۆ.