PM:02:49:26/07/2024
636 جار خوێندراوەتەوە
+
-
شێورمەندێ دارایێ سەرۆک
وەزیرێن عێراقێ بۆ دیجیتال میدیایا ئێن ئاڕ تی ڕاگەهاند، هەیاما ٦٨ رۆژانەوەزارەتا
دارایی دگەل چەند کۆمپانیێن دارایی لبن سەرپەرشتیا بەنکا نیڤدەولەتی و بەنکا
ناڤەندی دا چەند گۆهرین د سیستەمێ بەنکی دا ئەنجام داینە.
ئاماژە ب وێ یەکێ ژی کر،
گۆهرین د دووبارە دارشتنا سیستەمێ بەنکی دا، د بەرژەوەندیا مووچەخۆرانە و ب تایبەتی
ژی وان مووچەخۆرێن مووچەیێ خۆ ب بەنکی کریە، ژبەرکو خزمەتگوزاریێن بەنکی یێن
زێدەتر پێشکەشی وان دهێنەکرن.
بەحسا وێ یەکێ ژی کر،
دارشتنا سیستەمێ بەنکی هاریکار دبیت ل بلندکرنا ژێرخانا ئابووریا عێراقێ و ئەڤە ژی
دبیتە سەدەمێ بلندبوونا داهاتێ تاکە کەسی و دەستێ کاری د بازارێن ناڤخۆ دا.
ژ لایەکێ دی ڤە، بەرپرسێ
ڕاگەهاندنا بەنکا ناڤەندی بۆ ئێن ئاڕ تی ڕاگەهاند، چاکسازیکرن و دووبارە دارشتنا
سیستەمێ بەنکی ب تایبەتی ل بەنکێن رافیدەین، رەشید بۆ مەرەما ئاڤاکرنا ژێرخانا
بەنکیە. گۆت ژی، "دگەل سیستەمێ چاکسازیێ باوەریا وەلاتیان و بازرگانان ب بەنکێن
عێراقێ بلند دبیت".
ئەڤە ژی د دەمەکی دایە،
دوهی پێنجشەمبیێ وەزیرێ دارایێ عێراقێ راگەهاند، دەست ب چاکسازیکرنێ د سازیێن
دارایێن وێ وەزارەتێ ب تایبەت بەنکێن رەشید و رافیدەین دا دکەن، کو ئارمانج ژێ
گەشەپێدانا کەرتێ بەنکی و باشترکرنا وان خزمەتگزاریانە کو بەنک پێشکەش ب وەلاتیان
دکەن.