وێنه‌...پارێزگاری‌ موسڵ دژی‌ داعش چه‌ك هه‌ڵده‌گرێت

9/6/2014 14:46:00 6704 جار خوێنراوه‌ته‌وه

NRT-موسڵ: پارێزگاری‌ موسڵ دژی‌ چه‌كدارانی‌ داعش چه‌كی‌ هه‌ڵگرت و ئێواره‌ی‌ دوێنێ به‌چه‌ند شه‌قامێكی‌ شاره‌كه‌دا كه‌ چه‌كێكی‌ به‌ده‌سته‌وه‌ بوو له‌گه‌ڵ پاسه‌وانه‌كانیدا سوڕانه‌وه‌.

ئه‌سیل نوجێفی‌ له‌سه‌ر لاپه‌ڕه‌ی‌ تایبه‌تی‌ خۆی‌ له‌ تۆڕی‌ كۆمه‌ڵایه‌تی‌ (فه‌یسبوك) چه‌ند وێنه‌یه‌كی‌ خۆی‌ بڵاوكردووه‌ته‌وه‌ له‌كاتی‌ گه‌ڕانی‌ به‌ناوه‌ڕاستی‌ موسڵ كه‌ چه‌كی‌ هه‌ڵگرتووه‌ دژی‌ چه‌كدارانی‌ داعش.

چه‌ند رۆژێكه‌ شه‌ڕو پێكدادانی‌ سه‌خت له‌موسڵ له‌نێوان چه‌كدارانی‌ داعش و سوپاو پۆلیسی‌ عێراقی‌ به‌رده‌وامه‌.

نوجێفی‌ پێشتر له‌ په‌یامێكدا بۆ دانیشتوانی‌ موسڵ داوای‌ لێكردن به‌رگری‌ له‌ شاره‌كه‌یان بكه‌ن له‌رێگه‌ی‌ پارێزگاوه‌ لیژنه‌ی‌ میللی‌ دروستبكه‌ن بۆ پارێزگاری‌ له‌ناوچه‌كانیان.