PM:11:18:02/12/2022
1520 جار خوێندراوەتەوە
+
-
وەزارەتا کارەبا
عێراقێ ڕاگەهاند، حکومەتا عێراقێ لهەڤهاتنەکا تایبەت ب شاندنا بڕێ پێتڤیێ
غازێ بۆ عێراقێ دگەل ئیرانێ دا ئیمزاکریە.
ئەڤرۆ ئەینی،
ئەحمەد موسا پەیڤدارێ وەزارەتا کارەبا عێراقێ بۆ ئاژانسا نووچەیا عێراقی ڕاگەهاند،
وەزارەتا وان بزاڤێن گەلەک بەرفرەڤ کرینە و جڤین دگەل بالیۆزێ ئیرانێ سازکریە ل
رێکا وی ژی داخاز ژ وەزارەتا وزەییا وی ولاتی کریە ب مەرەما زێدەکرنا بڕێ غازا
شاندی بۆ وێستگەهان ل هەردوو وەرزێن زڤستان و هاڤینێ، ئەڤەژی ب لهەڤهاتن کریە.
ئاماژە ب وێ ژی کریە، لسەر وی بنەمایی وەزارەتێ ڕاگەهاندیە، دابینکرنا بڕی
غازا پێتڤی بۆ دابینکرنا سوتەمەنیا نشتیمانیە هەر ژبەر وێ ل دەمێ سەردانا محەمەد شیاع
سودانی سەرۆک وەزیراندا بۆ ئیرانێ دۆسەیا غازێ ئێکبوویە ژ وان دۆسەیێن گۆتوبێژ لسەر
کریە.
گۆتژی، "پێشبینی دکەین وەزارەت و سەرۆکێ جڤاتا وەزیران گرنگیەکا تەمام
ب وی بابەتی بدەن دەربارەی شاندنا غازێ ب تایبەت د دەمەکیدا کو بەرەڤ وەرزێ زڤستانێ
دچین و مە پلانەکا گرنگ هەیە و دشێین جێبەجێ بکەین وێ ژی بتنێ پێتڤی ب سووتەمەنیەکا
زێدەتر هەیە".
ئەڤە د دەمەکیدایە، عێراق ئێکە ژ ولاتین بەرهەمهێنێن پەترلێ و خودانا سامانەکێ
زۆرێ غازا سروشتییە و رۆژانە ب سەدان مەترێن غازا سروشتی د هەوایدا دسۆژیت و تا
نها وەکی پیتڤی کار لسەر نەهاتیەکرن تا بشێن بەرهەم بینن و رێکێ نەدەن ب هەدەربچیت.
سالانەژی عێراق بۆ دابینکرنا کارەبا نشتیمانی غازا سروشتی ل ئیرانێ هاوردە دکەت.