PM:08:12:26/04/2024
748 جار خوێندراوەتەوە
+
-
ژێدەرەکی ل زەڤیێن
غازا کۆرمۆر بۆ ئێن ئاڕ تی راگەهاند، ژبەر هێرشا سەر زەڤیێن غازا کۆرمۆر دوو کەسان
ژیانا خۆ ژ دەستداینە و سێ کەسێن دی برینداربووینە.
ئەڤڕۆ ئەینی، ژێدەرەکی
ل زەڤیێن غازا کۆرمۆر بۆ ئێن ئاڕ تی راگەهاند، ب رێکا بالەفڕێن بێ بالەفڕڤان
زەڤیێن غازا کۆرمۆر ل دەڤەرا قدر کەرەم ل سنورێ چەمچەمال هاتیە ب ئارمانج گەرتن.
ئاماژە ب وێیەکێ ژیکر،
ژبەر وی هێرشێ دوو کەسان ژیانا خۆ ژدەستداینە و کو کرێکارێن بیانی بوون و سێ کەسێن
دی برینداربووینە کو دوو ژوان کوردن.
دەربارێ وی بابەتی،
رەمەک رەمەزان قائیمقامێ چەمچەمال بۆ ئێن ئاڕ تی راگەهاند، ئەڤە دووەم هێرشە د
ئەڤسالەدا بۆ سەر زەڤیێن غازا کۆرمۆر دهێنە ئەنجام دان و د نهادا لژنەیەک مژیلی
ڤەکۆلینانە ل بوویەرێ.
وەزارەتا کارەب و سامانێن سروشتی یێن
حکومەتا رێڤەبرنا کارێن هەرێمێ راگەهاند، بسەدەما هێرشا درۆنی بۆ سەر زەڤیێن غازا
کۆرمۆر هنارتنا گازێ بۆ وێستگەهێن بەرهەمئینانا کارەبێ هاتیە ڕاوەستاندن و ژبەر
هندێ نێزیکی دوو هزار و ٥٠٠ مێگاواتێن کارەبێ کێمبووینە.