AM:11:59:23/04/2024
1400 جار خوێندراوەتەوە
+
-
وەزارەتا دەرڤەیا
ئەمریکا ڕاگەهاند، رەوشا ئازادییا بنەرەتی و مەدەنی ل هەرێما کوردستانێ خرابتر
بوویە. دبێژیت ژی، "زیندان و ناڤەندێن چاکسازیێ ل هەرێمێ د رەوشەکا خراب
دانە".
وەزارەتا
دەرڤەیا ئەمریکا ڕاگەهاند، ژبەر سنوردارکرنا زێدەترا ئازادیا بنەرەتی و مەدەنی ژ
لایێ حکومەتا هەرێمێ ڤە، د سالا دەربازبووی دا رەوشا مافێن مرۆڤی خرابتر بوویە.
ئاماژە ب وێ
یەکێ ژی کر، کوشتن و بێسەروجهکرن و ئەشکەنجەدان و رەوشا دژوارا ناڤا زیندانێ و
چەندین بنپێکاریێن دی هاتینە تۆمارکرن، گۆت ژی، دەستەسەرکرن و لێپرسینا نەرەوا دژی
رۆژنامەڤانان هاتیە کرن و ئاریشە بۆ ئازادیا خرڤەبوونێ دروست کریە.
ئەویەک ژی
بەرچاڤ کر، زیندان و ناڤەندێن چاکسازیێ ل هەرێمێ د رەوشەکا خراب دانە و رێژەیا
قەرەبالغیا ناڤا زیندانان گەهشتیە ١٥٧٪ـێ.