PM:05:55:22/04/2024
884 جار خوێندراوەتەوە
+
-
سەرۆک کۆمارێ تورکیا راگەهاند، رێککەفتنێن ئەڤڕۆ یێن دگەل عێراقێ دێ
بنە خالەکا نوی بۆ پەیوەندیێن هەردوو ولاتان. دبێژیت ژی، "عێراقێ پەیوەندیەکا
دیرۆکی و بهێز دگەل تورکیا دا هەیە".
ئەڤڕۆ دووشەمبی، رەجەب تەیب ئەردۆغان سەرۆک
کۆمارێ تورکیا راگەهاند، عێراق ولاتەکێ هەڤسێ یە و گەلەک هەڤبەشی دگەل ئێک هەنە دێ
بزاڤان کەن بۆ بەرەڤ پێشبرنا پەیوەیدیان ناڤبەرا هەردوو ولاتن.
ئاماژە ب وێیەکێ ژیکر، دگەل سەرۆک وەزیرێن عێراقێ پرسێن ئەولەهی و
رووبرووبوونا تیرۆرێ گۆتووبێژکرن و بەرهەڤن پشتەڤانیا حکومەتا عێراقێ بکەن بۆ
رووبروبوونا تیرۆرێ.
بەحسا وێیەکێ ژیکر، بڕیار دایە پشکداریێ بکەن د پرۆژێ رێکا گەشەپێدانێ
بۆ گەهشتن ب گەشەپێدانا بازرگانی و پشت راستبوونا تەمام ددەن د جێبەجێ کرنا تەمام
یا وی رێککەفتنێ یا کو دگەل عێراقێ ئیمزا کری.
ئەو یەکژی بەرچاڤکر، دگەل حکومەتا عێراقێ لژنەیا عێراق-تورکیا
دامەزراندیە بۆ چارەسەرکرنا ئاریشەیا ئاڤێ لسەر بنەمایێ زانستی و دانایی.
گوت ژی، عێراق دێ بیتە هەڤبەشەکا بهێز یا ئابووری بۆ تورکیا. دبێژیت
ژی، "بێ جوداهی دێ بەرێ خۆ دەینە هەمی پێکهاتەیێن عێراقێ".