PM:02:40:18/04/2024
92 جار خوێندراوەتەوە
+
-
ئەندامەکێ لژنەیا چاندن
و ئاڤێ ل پەرلەمانێ عێراقێ ڕاگەهاند، پلان هەیە د سەرەدانا سەرۆکێ تورکیا بۆ
عێراقێ رێکەفتنا ئاڤێ دناڤبەرا وان دوو ولاتان دا بهێتە کرن.
ئەڤرۆ پێنجشەمبی، سائیر
جبوری ئەندامێ لژنەیا چاندن و ئاڤێ ل پەرلەمانێ عێراقێ بۆ میدیایێن ناڤخۆیی
ڕاگەهاند، ئێک ژ پرسان کو د سەرەدانا سەرۆکێ تورکیا دا بۆ عێراقێ دێ هێتە بەحس کرن
پرسا ئاڤێ یە.
ئەو یەکژی بەرچاڤکر،
بەغدا ب چالاکی بزاڤان دکەت رێکەفتنەکا بهێز لسەر ئاڤێ دگەل سەرۆک کۆمارێ تورکیا
ئیمزا بکەت ب مەرەما زامنکرنا مافێ عێراقێ ژ ئاڤێن دجلە و فورات ب تایبەت دگەل
دەستپێکرنا رێکا گەشەپێدانێ کو ئاستێ لهەڤگۆهارتنا ئابووری بۆ ئاستەکێ بلند، بلند
دکەت.
بەحسا وێ یەکێ ژی کر،
ئەردۆغان ب گرنگی ڤە بەحسا رێکا گەشەپێدانێ دکەت و ب دەرازینکەکێ دزانیت بۆ ڤەژاندنا
ئابوریا تورکیا ب رێکا گۆ‌هرینێ بۆ خالا ترانزێت بۆ وان کەلوپەلێن کو ل چین و
باشوورێ رۆژهەلاتا ئاسیا دهێن بۆ ئەوروپا ب رێکا بەژایی و رێرەوێ شەمەندەفرێ کو ل
بەندەرێن بەسرە دەستپیدکەت، ئەڤە ژی خالەکا سەرەکی بۆ بارکرنا کەلوپەلان دروست
دکەت.
ئەڤە د دەمەکی دایە، بڕیارە 22ـێ ڤێ
مەهێ سەرۆک کۆمارێ تورکیا ب سەرەدانەکا فەرمی بگەهیتە بەغدا و دگەل بەرپرسێن بلندێن
عێراقێ بجڤیت و گرنگترین مەلەفێن وێ سەرەدانێ ئاڤ و ئەنەرژی و بابەتێن ئەولەهی
دبن.