PM:11:51:28/03/2024
60 جار خوێندراوەتەوە
+
-
سەرۆکێ لژنەیا دارایی ل پەرلەمانێ عێراقێ راگەهاند،
هیڤیدارین حەفتیا بهێت خشتەیێ بودجەیا سالا ٢٠٢٤ بگەهیتە پەرلەمانێ. گوت ژی،
"د بودجەیا ئەڤسالە دا پارەیەکێ دیاریکری بۆ پارێزگەهان تەرخانکریە".
ئەڤڕۆ پێنجشەمبی، عەتوان عەتوانی سەرکی لژنەیا دارایی ل
پەرلەمانێ عێراقێ راگەهاند، مە هزر دکر د جڤینا دەربازبووی دا، پەرلەمانێ عێراقێ دێ
دنگی لسەر یاسایا بودجەیێ سالا ٢٠٢٤ دەت و دێ هەموار کەت.
ئاماژە بویەکێ ژیکر، ب هیڤیا وێیەکێ نە حەفتیا بهێت
بودجەیێ ئەڤسالە بگەهیتە پەرلەمانێ عێراقێ و بهێتە هەموارکرن، ژبەرکو هندەک
وەزارەت و پارێزگەهـ هەنە کو پارەیێ وان هاتیە راگرتنو چاڤەڕێی پەسونکرنا بودجەی
دکەن.
ئەو یەکژی بەرچاڤکر، د بودجەیا سالا ٢٠٢٤ دا رێژەیەکا دیاریکری
پارە بۆ پارێزگەهان و کەرتێ ساخلەمیێ و پەروەردێ و کارەب و نیشتەجهبوونێ دایە.
ئەڤە د دەمەکی دایە، یاسایا بودجەیێ عێراقێ بۆ سالا ٢٠٢٣ و ٢٠٢٤ و ٢٠٢٥، ب کوژمێ ١٩٨ تڕلیۆن و ٦٨٣
ملیار و ٤٧٢ هزار دینارە و بۆ هەر سالەکێ ژی بەرمیلەکا پەترۆلێ ب ٧٠ دۆلاران
بنەجهکریە و بهایێ ١٠٠ دۆلاران ب بهایێ فەرمی یێ بەنکا ناڤەندی و کو ب هزار و ٣٠٠
دیناران هاتیە پەسەند کرن، هەڤدەم، ٦٤ تڕلیۆن دینار بۆ کورت ئینانێ هاتینە دانان.