PM:06:21:08/01/2024
556 جار خوێندراوەتەوە
+
-
سەرۆکێ دەزگەهێ گشتیێ کاروبارین مینان ل هەرێمێ
راگەهاند، ل سالا دەربازبووی زیدەتری دوو ملیۆن مەترێن دووجا یێن عەردی ژ مینان پاقژکرینە
کو ب سەدەمێ وێ ١٠ کەسان ژیانا خۆ ژ دەستدانە. دبێژیت ژی، "هەڤبەر ب دوو سالێن
دەربازبووی چالاکیێن دەزگەهێ مە زێدە کرنە".
ئەڤرۆ دووشەمبی، جەبار مستەفا سەرۆکێ دەزگەهێ
گشتیێ کاروبارێن مینان د کۆنفرانسەکێ رۆژنامڤانیدا راگەهاند، ل دەما سالا دەربازبووی
ب هەماهەنگیا ئالیێن پەیوەندیدار شیاینە دوو ملیۆن و ٨٠٣ هزار و ٣٢٦ مەترێن دووجا ژ
مین و تەقەمەنیان پاقژ بکەن .
ئاماژە ب وێ ژی کر، هەڤبەر ب دوو سالێن دەربازبووی
چالاکیێن وان زێدەتر بوونە و ئەو زەڤین ژ مینان پاقژکرین، رادەستی خودانێن وان
کرینە و د نهادا دشێن بۆ کارێن چاندن و ئاژەلداری و پرۆژەیێن ئابووری و وەبەرهێنانێ
بکاربینن.
بەحسا وێ ژی کر، سێ هزار و ٨٤٩ مینێن دژە کەسی
و دژە تانک و شەش هزار و ٢٨٤ پارچە تەقەمەنیێن سەرپێ کو بەرنیاسن ب(IED) و بەرماهیکێن شەری نە و نە تەقینە و هاتینە هەلگرتن
و ژ ناڤبراینە.
ئەویەک ژی بەرچاڤکر، ل سالا دەربازبووی ١٠ کەسان
ژیانا خۆ ژ دەستدانە و١٣ کەسێن دی ژی ب سەدەمێ بەرکەفتنا مین و تەقەمەنیان بریندار
و کێم ئەندامبوونە. دبێژیت ژی "ئەو کەسێن کو ژیانا خۆ ژ دەستدانە و برینداربوونە
سەدەمێ وێ بۆ پابەند نەبوون ب رێنماییێن دەزگەهێ مینان ڤە دگەڕیت".