PM:10:47:01/01/2024
220 جار خوێندراوەتەوە
+
-
کەرتێ غەززە ب
هلدانا مووشەکێن حەماس بەرەڤ تەلئەبیب چوو دناڤ سالا ٢٠٢٤ـێ دا، د دەمەکی دا ئامارا
ژیان ژ دەستدان و برینداربوونا خەلکی بەردەوام د بلندبوونێ دایە و ئاکنجیێن کەرتێ
غەززە ب دەست کارڤەدانێن رۆژانە یێن وی شەری دنالینن.
ئەڤرۆ دووشەمبی،
ل دەستپێکا سالا ٢٠٢٤ـێ، تەڤگەرا حەماس نێزیکی ٢١ مووشەک وەکی بەرسڤەک بۆ هێرشێن بەردەوامێن
ئیسرائیل ئاراستەی تەلئەبیبا پایتەختا ئیسڕائیل کرن.
یائیر لابید سەرۆکێ
ئۆپۆسزیۆنێ ل ئیسڕائیل ئەویەک بەرچاڤکر، دوهی ب ترسترین سال د دیرۆکا ئیسرائیلدا بداوی
هات، "لێ ل جهێ یاریێن ئاگرین، چەندین مووشەک ئاراستەی مە هاتنەکرن و ئەم ب
وی ئاوایی چووینە دناڤ سالا نوی یا ٢٠٢٤ـێ دا".
هەڤدەم، ژێدەرەکێ
ئیسرائیلی بۆ ئاژانسا رۆیتەرزی راگەهاند، قۆناغا داهاتی شەڕێ کەرتێ غەززە بۆ دەما
شەش مەهان بەردەوام دبیت و هێزێن وان بەرهەڤدبن بۆ پێنگاڤ هاڤێتن بەرەڤ باکووری ل
سنوورێ لوبنان.
ژ ئالیێ
خۆڤەژی، وەزارەتا ساخلەمیا غەززە راگەهاند، ژ ئەنجامێ هێرشێن ئیسڕائیل ل رۆژا ٧ـێ
تشرینا ئێکێ یا سالا ٢٠٢٣ـێ بۆ سەر کەرتێ غەززە هەیا نها زێدەتری ٢٢ هزار کەسان ژیانا
خۆ ژ دەستدانە و نێزیکی ٦٠ هزار کەسان ژی بریندار بوونە.
ل رۆژا ٧ـێ
تشرینا ئێکی یا سالا ٢٠٢٣ـێ، پشتی هێرشەکا چەکدارێن حەماس بۆ سەر ئیسرائیل شەرێ دناڤبەرا
چەکدارێن حەماس و ئیسرائیل دەستپێکر و ل هەردوو ئالیان ب هزاران کوشتی و بریندار هەنە
و بەردەوامە.