PM:09:04:10/11/2023
1392 جار خوێندراوەتەوە
+
-
وەزارەتا ساخلەمیا غەززە بەلاڤکر، لدیڤ نویترین ئامار
ژمارەیا ژیان ژ دەستدانێ ل کەرتێ غەززە ١١ هزار کەس دەربازکرن. دبێژبت ژی،
"تا نها هزار و ٥٠٠ زارۆک بێسەروشینن."
ئەڤرۆ ئەینی، وەزارەتا ساخلەمیا غەززە راگەهاندنەک
بەلاڤکر و دناڤدا هاتیە، ژمارەیا ژیان ژ دەستدانێ ب سەدەمێ بەردەوامیا هێرشێن ئیسرائیل
بۆ سەر کەرتێ غەززە گەهشتە ١١ هزار و ٧٨ کەسان کو پێنج هزار ژ وان زارۆکن.
ئەویەک ژی بەرچاڤکر، ٢٧ هزار و ٤٩٠ کەس برینداربوونە و نێزیکی
سێ هزار کەسان ژی بێسەروشینن کو ژ وێ هژمارێ زێدەتری هزار و٥٠٠ ژ وان زارۆکن، هێشتا
ل ژێر داروبەرێن ئاڤاهیێن هەرفیدا ماینە و نەهاتینە دیتن.
ژ ئالیێ خۆڤەژی، میدیایێن ئیسرائیل بەلاڤکرن، ژ دەستپێکا
شەری تا نها هزار و ٥٠٠ کەسان ژیانا خۆ ژ دەستدانە.
هەڤدەم، تۆڕا نووچەگەهانێن بێسنور بەلاڤکرن، تا نها ٤١ رۆژنامەڤانان
ل غەززە ژیانا خۆ ژ دەستدانە.
ئەڤەژی د دەمەکێدایە، شەرێ حەماس و ئیسرائیل ژ ٧ـێ مەها دەربازبووی
ڤە بەردەوامە و پشتی دەستپێکرنا هێرشێن حەماس، سوپایێ ئیسرائیل بەردەوامە ژ بۆمبەبارانکرنا
کەرتێ غەززە و دۆرپێچکرنا وی باژێری.