AM:10:20:01/11/2023
880 جار خوێندراوەتەوە
+
-
شەڤا دەربازبووی بۆ جارا دوویێ ئیسرائیلێ هێلێن
پەیوەندیێ ل غەززە قوتکرن و چەند جاران ژی هێرش کرن و کەمپا جلبای ل باکورێ غەززە بۆمبەباران
کر.
ئەڤرۆ چارشەمبی، کۆمپانیا پەیوەندیێن فەلەستین د
ڕاگەهاندنەکێدا ل تۆڕا ئێکس ئاماژە ب وێ کریە، ل شەڤا دەربازبووی هێلێن پەیوەندیێ
ل غەززە هاتینە راگرتن و پەیوەندیا وان دگەل تۆرێن پەیوەندیێن نێڤدەولەتیدا نەمایە.
هەڤدەم، سوپایێ ئیسرائیل بۆمبەبارانا بەرفرەھ بۆ
سەر کەمپا جلبا ل باکورێ غەززە دەستپێکر و ب وێ سەدەمێ زێدەتری ٤٠٠ کەسان هاتنە کوشتن.
ژ ئالیێ خۆڤەژی، سوپایێ ئیسرائیل راگەهاند، ب
سەدەمێ بۆمبەبارانکرنا سەر بنگەهێ سەربازی ١١ سەرباز هاتنە کوشتن و چەندێن دی ژی
بریندار بوون.
ل ٨ـێ مەها ١٠ یا ئەڤسالە گرووپێ چەکداریێ حەماس
چەندین موشەک رەوانەی ئەسمانێ ئیسرائیل کرن و پشترا چەکدارێن وێ چوونە ناڤا باژێرێن
ئیسرائیلیان و چەندان ئیسرائیلی و بیانی ب دیل گرتن و د هە مبەرژی دا سوپایێ ئیسرائیل
هێرش کرە سەر غەززە و ئەوباژێرە دۆرپێچکر و ب وێ سەدەمێ و ئالۆزیێن چەکداری هەیا
نها نێزیکی ١٠ هزار کەسان ل هەردوو ئالیان ژیانا خۆ ژ دەستدانە.