AM:10:19:02/10/2023
720 جار خوێندراوەتەوە
+
-
حکومەتا ئەلمانیا راگەهاند، ل نیڤا ئێکێ
یا سالا ٢٠٢٣ـێ وان زێدەتری حەفت هزار پەنابەران ل ئەڵمانیا بۆ وڵاتێن وان
ڤەگەراندینە و زۆرترین ئەو پەنابەرەژی هەڵگرێن رەگەزنامەیا جۆرجی بوون.
حکومەتا ئەڵمانیا د ڕاگەهاندنەکێدا
ئاماژە ب وێ کر، ل نیڤا ئێکێ یا سالا ٢٠٢٣ێ حەفت هەزار و ٨٦١ پەنابەر ل ئەڵمانیا هاتینە
هنارتن بۆ وڵاتێن وان.
ئاماژە ب وێ ژی کریە، ئەو کەسێن رەگەزنامەیا
جۆرجی هەنە د پلەیا ئێکێ دانە کو ژمارەیا وان ٧٠٥ کەسن و پشترا خەڵکێن باکوورێ مەکدۆنیا
د پلەیا دویێ دانە کو ٦٦٥ کەسن و ئەفغانی د پلەیا سێیێ دانە کو ژمارەیا وان ٦٥٩ کەسن.
ئەویەک ژی بەرچاڤکریە، هزار و ٦٦٤ ژن و
هزار و ٣٧٥ زارۆک دناڤ وان کەسان دا بوون کو ئەڵمانیا مافێ پەنابەرییێ پێ نەداین.
ئەڤەژی ددەمەکێدایە، ل داویا مەها
دەربازبووی ولاتێ سوید ٢٦ وەلاتیێن عێراقی بۆ ولاتێ وان ڤەگەراندن و حکومەتا وی وڵاتی
ژی راگەهاند، ل دەما ١١ ساڵاندا ئەڤە ئێکەم جارە وڵاتێ سوید وەلاتیێن عێراقی ڤەگەڕینیتە
ولاتێ وان و مافێ پەنابەریێ پێ نەدەت.
ڤەگەراندنا پەنابەران ژ لایی ولاتێن ئەوروپا
د دەمەکێدایە، ب سەدەمێ چوونا هژمارەکا زۆرا کۆچبەران بۆ وان ولاتان ئەوروپا راستی
ئاریشەیان بوو، ب وێ سەدەمێ چەندین وڵاتێن ئەوروپی، ب تایبەت ئیتاڵیا و ئەڵمانیا رێکارێن
نوی بۆ ڕێگریکرنێ ژ کۆچا نەیاسایی بۆ وڵاتێن وان گرتینەبەر.