AM:10:22:21/09/2023
1672 جار خوێندراوەتەوە
+
-
شەهزادەیێ جھنشینێ
سعودیە ڕاگەهاند؛ ژ پێخەمەت ئەولەهی و هەڤسەنگیا هێزێ ل ڕۆژهەلاتا ناوڤەڕاست، ئەگەر
ئیران چەکێ ئەتۆمی بدەستڤە بینیت ل وی دەمی سعودیەژی ب هەمان ئاوا دێ بدەستڤەئینیت.
محەممەد بن سەلمان، شەهزادەیێ
جھنشینێ سعودیە د دیدارەکا تلەفزیۆنیدا راگەهاند، ئەگەر ئیران بشێت چەکێ ئەتۆمی بدەستڤە
بینیت ل وی دەمی سعودیەژی ب هەمان ئاوا دێ چەکێ ئەتۆمی بدەستڤە ئینیت.
ئاماژە ب وێ ژی کر، هەبوونا
چەکێ ئەتۆمی چ مفانینە و ئەگەر بهێتە بکارئینان، دڤێت بچیە شەڕەکێ مەزن و جیهان ژی
خۆ دبەر هێرۆشیمایەکا نوی ناگریت.
ئەویەک ژی بەرچاڤکر، ئەگەر
بڕاستی ئیران بۆمبێن ئەتۆمی بدەستڤە بینیت، دڤێت ئەم ژی ب هەمان ئاوا بدەستڤە بینین
ئەوژی ژبەر سەدەمێن ئەولەهیا ئەمنی و ژ پێخەمەت هەڤسەنگیا هێزێ ل ڕۆژهەلاتا ناڤەڕاست.
بەحسا وێ ژی کر، پەیوەندیێن
وان دگەل ئیرانێ بەرەڤ پێش دچن، هیڤیدارە کو پەیوەندی د بەرژەوەندیا ئاسایش و سەقامگیریا
دەڤەرێ دا بەردەوام بن، گۆتژی، چین ئەو ولاتەیە کو نێڤەندگیری دناڤبەرا مە و ئیرانیان
دا کریە.