AM:11:13:16/09/2023
868 جار خوێندراوەتەوە
+
-
ڕێکخراوا هەنگاو راگەهاند، دگەل نێزیک بوونا سالڤەگەرا
ژن ژیان ئازادی ل ١٥ رۆژێن دەستپێکا ڤێ مەهێ دا زێدەتری ٩٠ وەلاتی هاتینە دەستەسەرکرن
و باژێرێن ڕۆژهەلات ژی هێزەکا زۆر تێدا هاتیە کۆمکرن و وەکی سەربازگەهان لێ هاتیە.
ڕێکخراوا هەنگاو بۆ مافێن مرۆڤی ل ڕۆژهەلات د
راگەهاندنەکێدا بەلاڤکریە دگەل نێزیکبوونا سالرۆژا کوشتنا ژینا ئەمینی ل ١٦ێ ئەیلولا
سالا دەربازبووی، سوپایێ پاسدارێن کۆمارێ ئیسلامی ژمارەیەکا هێزێن خۆ بۆ باژێرێن
کورستانا رۆژهەلات ڤەگوهاستن.
ئاماژە ب وێ ژی كر، ل دەما ١٥ رۆژێن دەستپێکا ئەیلولێ
دا ٩١ وەلاتی دەستەسەرکرینە و گەف ژ سەدان وەلاتیان ژی هاتیەکرن، هێزێن کۆمارا ئیسلامی
ل دەهان باژێر و دەڤەرێن رۆژهەلات هاتینە جێگر کرن و باژێر وەکی سەربازگەهان
لێکرینە.
ڕێکخراوا هەنگاو ئەویەک ژی ئەشکەراکریە، دەسهەلاتدارێن
ئیرانێ چەند ڕۆژان بەریا نها تانک و ترۆمبێلێن سەربازی ل نێزیک گۆڕێ ژینا ئەمینی جێگرکرینە
و گۆڕستانا وێ سیمەکریە و دەست ب ترساندنا وەلاتیێن وی باژێری ژی کریە .
ژینا ئەمینی یا ٢٢ سالی ژ دایکبوویا باژێرێ سەقزا
ڕۆژهەلاتێ کوردستانێ بوو، سالا دەربازبووی د گەشتەکێدا بۆ تەهران دگەل خێزانا خۆ ژلایێ
هێزێن ئەولەکاریێ ڤە هاتە دەستەسەر کرن و ئەشکەنجەدان و ب گرانی هاتە بریندارکرن پشترا
ب سەدەمێ گرانیا برینا وێ پشتی سێ ڕۆژان مانێ د نەخۆشخانێ دا ل ڕۆژا ١٦ێ ئەیلولا
٢٠٢٣ ێ ل نەخۆشخانەیەکا تەهران ژیانا خۆ ژ دەستدا و ب وێ سەدەمێ خۆنیشاندانەکا بەرفرەھ
ل باژێرێن ڕۆژهەلات و ئیرانێ پەیدابوو.