PM:01:18:09/09/2023
532 جار خوێندراوەتەوە
+
-
پەیڤدارێ وەزارەتا دەرڤەیا ئیرانێ ڕاگەهاند، دگەل بەشەکا برگەیێن
ڕاگەهاندنا جڤاتا هاریکاریا خەلیجی دەربارەی قەدەغەکرنا چەکێ ئەتۆمی کۆک نینین و
بەردەوام دبن لسەر جێبەجێکرنا بەرنامەیێ ئەتۆمی.
ئەڤرۆ شەمبیێ، ناسر کەنعانی پەیڤدارێ وەزارەتا دەرڤەیا ئیرانێ ڕاگەهاند،
پێگیر نابن ب بەشەکا برگەیێن بەیاناما جڤاتا هاریکاریا خەلیجی کو دەربارەی راگرتنا
چەکێ ئەتۆمی یێ وەلاتێ وان بەلاڤکریە و بەردەوام دبن ژ لهەڤهاتنێن خۆ لسەر وێ
پرسێ.
ئاماژە ب وێیەکێ ژی کر، چ دەستێوەردانێن دەرەکی و گڤاشتنێن سیاسی باندۆری
لسەر سیاسەتا وان یا ئەتۆمی نابیت.
ئەڤە ژی پشتی وێیەکێ دهێت، جڤاتا هاریکاریا خەلیجی د ڕاگەهاندنەکێ دا
گرنگیا پشکداریا خۆ د دانوستاندن و گۆتوبێژ و جڤینا دەڤەری و نیڤدەولەتی دەربارەی
پرسا چەکێ ئەتۆمی یێ ئیرانێ و گرنگیا پێگیر نەبوونا وی وەلاتی ب زێدەنەکرنا
پیتاندنا یۆرانیۆم تەکەز کر.