PM:07:35:04/09/2023
1056 جار خوێندراوەتەوە
+
-
فەرماندەیێ
گشتیێ هێزێن سوریایا دیموکرات راگەهاند: د نهادا رەوشا دێرەزور ئارامە و هێزێن وان
بەردەوامن ژ بزاڤێن خۆ بۆ سەقامگیرکرنا وێ دەڤەرێ و دابینکرنا ئاسایی بۆ وەلاتیان.
رۆژا دووشەمبی،
مەزلوم عەبدی فەرماندەیێ گشتیێ هێزێن سوریایا دیموکرات د ڕاگەهاندنەکێدا ئاماژە ب وێ
کریە، ئاسایشا جڤاکی ل دیرەزور پاراستی دبیت و ب هەڤکاریا وەلاتیان بەردەوام دبن ژ
بزاڤێن خۆ بۆ پاراستنا سەقامگیریا وێ دەڤەرێ.
ئەویەک ژی بەرچاڤکر،
تورکیا بەردەوامە ژ هێرشێن خۆ بۆ سەر دەڤەرێن تەل تەمر و مەنبەج و ئەو هێزەژی بووینە
سەدەمێ ئالۆزیان.
دوهی ژی بالوێزخانەیا
ئەمریکا بۆ سوریا راگەهاند؛ هەسەدە و هۆزێن دێرەزور لسەر بنەمایێ راگرتنا ئالۆزیێن
چەکداری و جێبەجێکرنا داخازیێن وەلاتیێن دەڤەرێ گەهشتینە لهەڤهاتنێ.
پێشترژی، هەڤپەیمانێن
نێڤدەولەتی راگەهاندبوو: پێتڤیە شەڕ و لێکدان دناڤبەرا هێزێن سوریایا دیموكرات و چەكدارێن
وان هۆزان ل سنورێ دێرەزور داوی پێ بهێت و ئارامی و ئاسایش بۆ وی سنوری بهێتە ڤەگەڕاندن
و پشترا قەدەغەیا هاتن و چوونێ ل وێ دەڤەرێ هاتە راگەهاندن.
هێزێن سوریایا
دیموكرات (هەسەدێ) ڤان لێکدانان ب ئۆپەراسیۆنێن "بهێزکرنا ئاسایشێ" ل
سنورێ دێرەزور بناڤدکەت و بەشەك ژ هۆزێن چەكدارژی دژی وێ ئۆپەراسیۆنێ ڕاوەستیان و
چەند رۆژن شەڕ و لێکدان دناڤبەرا هەردوو
ئالیاندا بەردەوامبوو.