PM:05:14:26/11/2022
800 جار خوێندراوەتەوە
+
-
محمەد شیاع سودانی سەرۆک وەزیرێن عێراقێ، بانگهێشتنامەک ل ئیبراهیم رەئیسی
سەرۆک کۆمارێ ئیرانێ پێ گەهشت بۆ وێیەکێ کو سەرەدانا ئیرانێ بکەت.
ل گۆڕ وێ داخۆیانیا کو ل نڤیسینگەها ڕاگەهاندنا سەرۆک وەزیرێن عێراقێ هاتیە
بەلاڤکرن، محمەد شیاع سودانی پێشوازی کر ل محمەد کازم ئال سادق بالیۆزێ ئیرانێ ل
عێراقێ.
د وێ داخۆیانیێ دا ئاماژە ب وێیەکێ هاتیە کرن کو د وێ هەڤدیتنێ دا بالیۆزێ
ئیرانێ بانگهێشتنامەک ل ئیبراهیم رەئیسی ب محمەد شیاع سودانی گەهاند بۆ وێیەکێ کو
سەرەدانا ئیرانێ بکەت.
هەر د وێ هەڤدیتنێ دا پەیوەندیا دوو ئالیا هەردوو وەلاتان و چەندین بابەتێن
هەڤپشک ل بیاڤێ ئابوری و بەرهەمئینانێ گۆتوبێژ لسەر هاتنە کرن و تەکەز ب جڤینا د
ناڤبەرا عێراقێ و ئیرانێ ل بیاڤێ ئەولەهیێ هاتە کرن ب مەبەستا پاراستنا سەروەریا
هەردوو وەلاتان و دەستەبەریا بەرژەوەندیێن گەلێ هەردوو وەلاتان و بەرجەستەکرنا
ئەولەهی و سەقامگریا وێدەڤەرێ بکەن.