PM:09:05:23/11/2022
96 جار خوێندراوەتەوە
+
-
روسیا داخاز ژ تورکیا
کر خۆ ژ هێرشێن زەمینی بۆ سەر دەڤەرێن سوریا دویر بگریت و دبێژیت ژی، "ئەڤ جۆرە
پێنگاڤە دبیتە سەدەمێ پەرەسەندنا توندوتیژییان."
ئەڤرۆ چارشەمبی ئەلێکساندەر
لاڤرێنتیڤ دانوستانکارێ روسیا راگەهاند، روسیا داخاز ژ تورکیا کریە خۆ ژ هێرشا سەرانسەریا
زەمینی بۆ سەر سوریا ب دوور بگریت.
ئەڤەژی د دەمەکیدایە،
رەجەب تەیب ئەردۆغان، سەرۆکێ تورکیا دوهی ڕاگەهاند ، تورکیا ب رێکا تانک و سەربازان
بڤان نێزیکان هێرشێن زەمینی دکەتە سەر دەڤەرێن باکورێ سوریا ئەو ژی وەک بەرسڤەک بۆ
تەقینا ئەستەنبولێ بناڤکر.
ئەلێکساندەر لاڤرێنتیڤ
ئاماژە ب وێیەکێ ژی کر، پشتی هژمارەکا جڤینان و دانوستانێن نوی سوریا دگەل هەردوو
شاندێ تورکیا و ئێران لە کازاغستان، هیڤیێ دخازین گوتوبێژێن مە بگەهنە ئەنقەرە و رێکێن
دی بۆ چارەسەرکرنا ئاریشەیان ببینن.
گۆت ژی، "ئەمریکا
ئاوایەکێ وێرانکەر ل باکورێ رۆژهەڵاتا سوریا دگریتەبەر و چارەسەرەسەرکرنا پرسا
کوردان سەدەمەکا گرنگ دبیت بۆ گەهشتن ب ئارامیێ د وێ دەڤەرێ دا."
بەحسا وێێەکێ ژی کریە،
ئەمریکا دگەل هێزێن سوریا دیموکراتدا کو سەرەکیترین هێزا کوردایە و دژی هێزێن داعش
ل سوریا شەڕ کریە و هێزی ئیدارا خۆەسەر ناکۆکیەکا کویر دگەل تورکیادا هەیە.
ئەو بەرپرسێ روسی ژی
دبێژیت ، "ئەزێ پشت راستم ئەگەر هێزێن ئەمریکا ل وێرێ نەبانە لەوانەیە ئاریشەیێن
کوردان بلەزتر هاتبانە چارەسەرکرن، روسیا و تورکیا و ئێرانێ د داخۆیانیەکا هەڤپشکدا
پشتی گوتوبێژان سۆزدایە بەرهنگاری پلانێن جوداخوازان ب ئارمانجا تێکدانا سەروەریێ
و ئێک پارچەیێ ئاخا سوریا و گەف کرن ل ئەولەهیا نەتەوەیی وەلاتێن جیران ببن".