PM:05:43:18/11/2022
408 جار خوێندراوەتەوە
+
-
ل گۆڕ زانیاریێن نووچەگەهانێ ئێن ئاڕ تی، ل
ئەنجامێ وەرگەریانا پاسەکا گەشتیاران ل بێخال هژمارەکا گەشتیاران برینداربوون.
ئەڤرۆ ئەینی، ل گۆڕ زانیاریێن نووچەگەهانێ ئێن
ئاڕ تی، وێ پاسێ ٤٠ گەشتیار د ناڤدا بووینە کو هەمی عەرەبن.
نووچەگەهانێ ئێن ئاڕ تی ئاماژە ب وێیەکێ کر،
وێ پاسا گەشتیاری خۆ ل خانیەکی دایە و ب وێ سەدەمێ هژمارەکا گەشتیاران
برینداربووینە.
شاهدحالەکی بۆ ئێن ئاڕ تی ڕاگەهاند، نێزیکی
چار ژوان گەشتیاران رەوشا ساخلەمیا وان نەجێگربوویە.
شاهدحالەکێ دی ژی ئاماژە بوێیەکێ کر، نێزیکی
٣٥ بۆ ٤٠ کەسان د ناڤ وێ پاسێ دابوون و ب مەرەما گەشتێ سەرەدانا بێخالێ کریە.
هەڤدەم، ئەحمەد قادر قایمە قایمێ قەزایا
ڕەواندز بۆ ئاژانسا نووچەیا فەرمیا عێراقێ ڕاگەهاند، د وێ بوویەرێ ١٩ کەس
برینداربووینە کو گەنج و زارۆک و ژن د ناڤدا هەنە.
ئاماژە ب وێیەکێ ژی کریە، د وێ بوویەرێ دا چ
گەشتیاران ژیانا خۆ ژ دەستنەداینە و هەمی تیمێن فریاگوزاریێ گەهشتینە جهێ بوویەرێ.
ئەویەک ژی بەرچاڤکر، هەمی گەشتیار ل
پارێزگەها بابل هاتینە و ئەویێن برینێن دژوار نەبووینە ل نەخۆشخانا ڕەواندز
چارەسەری بۆ هاتیە وەرگرتن و وان بریندارێن برینا وان دژوار بۆ نەخۆشخانا ئاشتی ل
سۆران هاتینە شاندن.