AM:11:50:24/05/2022
604 جار خوێندراوەتەوە
+
-
هەیاما دوو رۆژانە پێلەکا دژۆارا تۆزبارینێ
چەندین دەڤەرێن هەرێمێ ڤەگرتیە و هەیا نها چەندین کەسان ژبەر تەنگەنەفەسیێ
سەرەدانا نەخۆشخانەیان کرینە. هەر بڤێ سەدەمێ ژی هاتن و چوونا زاخۆ هایداریێ ددەت
و چەندین رێنمایی بۆ پاراستنا وەلاتیان بەلاڤکرن.
ئەڤرۆ سێشەمبی، دهایداریەکێ دا رێڤەبەریا
هاتن و چوونا ئیدارا سەربەخۆیا زاخۆ ڕاگەهاند، تۆزبارینێ کارتێکرنەکا زۆر لسەر هاتن
و چووناترۆمبێلان هەیە و دووریا دیتنێ گەلەک کێم بوویە،
لەورا بۆ ئاگەهداریا شۆفێران چەند رێنمایی بەلاڤکرینە.
۱.ئەگەر زۆر یا فەر نەبوو نەچە دەرڤە ل ماڵ بمینە.
٢.لەزاتیا هاژوتنا ترۆمبێلێ کیم بکەن.
۳.ل دەمێ ترۆمبێلی
دهاژوی بلا گلوپێن ترۆمبێلێ سێگوشە (رباعی)
هەلکری بن.
٤.ل دەمێ ترۆمبێلی دهاژوی لسە رێرەوا لا نەدە.
٥.پرکرنا خەزانا ئاڤێ یا ترۆمبێلێ بۆ ب کارئینانا
فرچێن پێشی و پشتێ.
٦.بۆ وەلاتیێن پیادە هندی بشێی ئوڤەرپاسا یان
پرێن بلند بکار بینە بۆ دەربازبوونێ ژبەر کو دبیت شۆفێر تەنەبینیت و لێکدان چێبیت.
هەڤدەم، د. شاکر
عبدالرحمن، بەرپرسێ ساخلەمیا زاخۆ بۆ ئێن ئاڕ تی راگەهاند، ب سەدەما تۆزبارینێ زێدەتری
٣٠ نەخۆشان سەرەدانا نەخۆشخانا تەنگاڤیان کریە، چارەسەریا پێدڤی بۆ هاتییە کرن، لێ
پێنج ژ وان هێشتا دبن چاڤدێریا نۆژداران دانە.
ئەڤە ددەمەکێ دایە، هەیاما دوو رۆژانە پێلەکا
تۆزبارینێ پتریا دەڤەرێن هەرێم و عێراقێ ڤەگرتیە و ب وێ سەدەمێ ژی هەیا نها ل
سنورێ پارێزگەها دهۆکێ زێدەتری ٢٥٠ کەسان ژبەر تەنگەنەفەسیێ سەرەدانا نەخۆشخانەیان
کرینە.