AM:09:14:24/05/2022
376 جار خوێندراوەتەوە
+
-
دبلۆماتکارەکێ رودی کو
ل ئۆفیسا نەتەوەیێن هەڤگرتی کاردکر دەست ژکارێ خۆ بەردان و گۆت، "گەلەک هەست
ب شەرمزاریێ دکەم لسەر داگیرکاریا ڤلادیمیر پوتنێ سەرۆکێ ولاتێ خۆ ل ئۆکرانیا".
بۆریس بۆندارێڤیێ ژیێ
وی ٤١ سال نامەیەک ئاراستەی گینادی گاتیلۆڤ بالیۆزێ روسیا ل نەتەوەیێن هەڤگرتی کر و
دناڤدا دەست ژ کارکێشانا خۆ ڕاگەهاند.
پشتی دەست ژ کارکێشانا
وی بۆریس بۆندارێڤ پەیامەک بەلاڤکر و دناڤدا ب توندی هێرشێن ولاتێ خۆ بۆ سەر ئۆکرانیا
شەرمزار کر و ب داگیرکاری وەسف کر.
د پەیاما خۆدا بۆریس بۆندارێڤ
ئاماژە ب وێ دایە، "شەڕێ دوژمنکاری کو ژ ئالیێ پوتنی ڤە دژی ئۆکرانیا دهێتەکرن،
کو یاراست دژی هەمی جیهانا رۆژئاڤا یە، نەک بتنێ تاوانە دژی گەلێ ئۆکرانیا بەلکو ڕەنگە
جددیترین تاوان بیت دژی گەلێ روسیاژی."
هەروەسا، د پەیاماخۆدا
هێرش کریە سەر سێرگی لاڤرۆڤ وەزیرێ دەرڤەیێ روسیا و دبێژیت، نموونەیەکا باش یا تێکچوونا
ڤی سیستەمیە، لاڤرۆڤ ژ کەسەکی کو ژ ئالیێ هاوەلێن دیبلۆماتکارێن خۆڤە ب کەسەکێ پیشەگەر
و زیرەک و خاندەڤان دهێتە بناڤکرن نها بویە کەسەک کو هەردەم بەیاننامەیێن ناکۆک بەلاڤدکەت
و ب چەکێ ناوەکی هەڕەشێ ل جیهانێ دکەت.
دەربارێ کاڤەدانێن
حکومەتا روسیا ل هەمبەر دەست ژکارکێشانا وی بۆریس بۆندارێڤ بۆ ئاژانسا نووچەیا ئاسۆشییەتدپرێس
ڕاگەهاند، دلتەنگە ژ ئەگەرێ بەرسڤدانا حکومەتا ولاتێ خۆ، ئەگەرچ تا نها چ کارڤەدان
نەبوونە.
گۆتژی، ئەو بتنێ نینە،
ژبەرکو هەمی دیبلۆماتکارێن روسی شەڕخواز نینە، لێ دەڤێ وان هاتیە گرتن و بێ دەنگ کرینە.
ئەڤە د دەمەکیدایە، دەمێ
٨٩ رۆژن سوپایێ روسیا ب فەرمانا ڤلادیمیر پوتینێ سەرۆکێ وی ولاتی ئۆپراسیۆنا سەربازی
ل روسیا دەستپێکریە و ب وێ سەدەمێ ئەمریکا و یەکێتیا ئەوروپا و هەڤپەیمانێن وی زنجیرەیەکا
سزایێن گرانێن ئابوری و دارایی و بازرگانی ئێخستینە سەر کەرتێ ئەنرژی و بانک و کۆمپانیایێن
مەزن یێن روسیا و چەندین کەسایەتیێن بلند یێن سیاسی و سەربازی و ئابوری و بارزگانیێن
وی ولاتی. دەست ژکار کێشانا بۆریس بۆندارێڤ ئێکەم کارڤەدانا فەرمییا ناڤ بەرپرس و
دبلۆماتکارێن روسیایە.