PM:08:06:23/05/2022
3664 جار خوێندراوەتەوە
+
-
لدیڤ زانیاریێن نووچەگەهانێ ئێن ئاڕ تی، چەکدارێن داعش ل
سنورێ گوندێ بەشیرێ سنورێ کەرکوکێ هێرش کریە سەر خالەکا ئەمنیا لیوایا ١٦یا حەشدا
شەعبی و لدیڤ زانیاریێن دەسپێکی دوو چەکدارێن حەشدێ و دوو وەلاتیێن وێ دەڤەرێ هاتیەنەکوشتن.
ژێدەرەکێ ژ حەشدا شەعبی بۆ ئێن ئاڕ تی ڕاگەهاند، چار
کوشتیێن سڤیل و سەرباز د رێزێن حەشدا شەعبی دا هەیە و دەنگویێ وێیەکێ ژی هەیە دوو
کەسێن دی یێن سڤیل ژی ژ ئالیێ چەکدارێن داعشڤە هاتبنە کوشتن.
ئاماژە ب وێیەکێ ژیکر، شەڕ و رووبرووبوونێ دناڤبەرا
چەکدارێن داعش و چەکدارێن حەشدا شەعبی دا لسنورێ گوندێ بەشیر یێ سەر ب ناحیا
تازەخۆرماتوو ڤە روویدایە.
هەرچەندە ل سالا ٢٠١٧ێ حکومەتا عێراقێ داوی ئینانا داعش
ڕاگەهاندبوو، لێ ناڤ ب ناڤ چەکدارێن سەر ب وی گرۆپی ڤە هێرشێ دکەنە سەر هێزێن
ئەولەکاریێ و وەلاتیان، د دەمێ دەربازبوویدا هێرشێن خۆ زێدەکرینە.
دیار محەمەد، کەرکوک