PM:06:00:23/05/2022
404 جار خوێندراوەتەوە
+
-
شارەزایەکێ بیاڤێ سەقاناسی و ئەندامێ کۆمەلەیا
گەردوونناسیا تێکساس ڕاگەهاند، کێمبوونا باران بارین و توندتربوونا رەشەبایان و بەرفرەهبوونا
رووبەرێ بیابانان سەدەمن بۆ زۆربوون و خورتبوونا پێلێن تۆزبارینێ.
لوقمان حەویز شارەزایێ بیاڤێ سەقاناسی و ئەندامێ
کۆمەلەیا گەردوونناسیا تێکساس د داخویانیەکێ دا ئاماژە ب وێ یەکی دایە، دیاردەیا تۆزبارینێ
دیاردەیەکا سروشتیە ل گەلەک دەڤەرێن جیهانێ سالانە د وەرزێن جودادا ڕوو ددەت.
بەحسا وێیەکی ژی کریە، ئەو دیاردەیە ب زۆری ل
وان دەڤەرێن جیهانێ هەیە کو پشکەک یان زۆربەیا دەڤەرێن وێ بیابانە یان ئەو دەڤەر و
هەرێمە نێزیکن ژ بیابانان و باهۆز و بارستە هەوایێن سەر بیابانان ب ساناهی دگەهیتێ
رووددەت.
دەربارێ سەدەمێ رویدانا تۆزبارینێ ل کوردستانێ ئەویەک
ژی دادیارکرن، هەلکەفتا جوگرافیا کوردستانێ ب ئاوایەکیە ئەو باهۆز کو دهێنە سەر بیابانێن رۆژئاڤا و باشورێ عێراقێ و بیابانێن
دی یێن سعودیە و ئوردن و سوریا ل هندەک دەم و وەرزێن سالێ بەرەڤ ئاراستێ کوردستانێ
دهێن و تا ڕەشەبا بهێزبن تۆزبارین بهێزتر دبیت و تۆزبارین ل هەرێمێ دیاردەیەکا
سروشتییە.
لوقمان حەوێز دەربارێ سەدەمێن زۆربون و خورتبوونا
تۆزبارینێ د ڤان سالێن داویدا ئاماژە ب وێ دایە، هەر سێ سەدەمێن کێمیا باران
بارینێ و خورتتربوونا باهۆزان و بەرفرەهبوونا رووبەرێ بیابانان ب ئاوایەکێ سەرەکی گرێداینە
ب دیاردەیا گۆهرینا سەقای کو نها بڕێڤەیە ل هەمی جیهانێ و کارتێکرنێن وێ ل زۆربەیا
دەڤەرێن جیهانێ هەست پێ دهێتەکرن ب تایبەتی و ب تایبەتتر ژی ل دەڤەرێن رۆژهەلاتا
ناەەڕاست.
د درێژاهیا ڕاگەهاندنا خۆدا لوقمان حەوێز دبێژیت
ژی، ب کورتی هەمی ئەو تۆزبارینە بڤێ داویێ کو روویدایە و روویددەن ب یا نهاژی ڤە سەدا
سەد سروشتینە و دەستێ وولاتان یان مرۆڤان تێدا نیە و ترس نەڤێت.
ئەڤەژی د دەمەکیدایە، دەمێ چەند مەهن چەند پێلێن
تۆزبارینێن توند بەرێ خۆدایە هەرێما کوردستانێ و عێراقێ و ل دیڤ پێشبینیێن سەقاناسی
ژی بیت پێلەکا دی یا نوو یا تۆزبارینێ برێڤەیە.
هەروەسا، نوژدارێن پسپۆر د بیاڤێ تەنکە نەفەسیی
دا کارتێکرن و زیانێن تۆزبارینێ لسەر ژیانا وەلاتیاندا ب چەند خالان بەلاڤکریە ڕێکێن
خۆ پارێزیێ ژی داینە دیارکرن، ئەوژی ئەڤەنە:
- هەستیاریێ پەیدا دکەت د چاڤ و
دفناندا
- بیبیکا چاڤی سۆر دبیت و دخوریێت.
- بێهنتەنگیێ پەیدا دکەت.
- خوونبەربوونێ دروست دکەت.
- گوهـ کول دبن.
- پیستێ لەشێ مروڤی دخوریێت و سۆر
دبیت.
- کارتێکرن هەیە لسەر کوئەندامێ
هەناسەدانێ.
- پەیدابوونا کوخک و بێهنژینێ.
چارەسەری
- ژ مال نه‌ده‌ركه‌ڤن و ده‌رگه‌هـ و په‌نجه‌ران ژی
بگرن.
- دەمێ د چیە ژده‌رڤه ماسكێ
بکاربینە.
- فێقى و كه‌سكاتی بخون.
- دەمێ سیاربوونا ترومبێلێ سارکەر
و هەوایێ ناڤ ترومبێلێ بکاربینن و جامێن ترۆمبێلێ بگرن.
- دوور بکەڤن ژ گیانەوەرێن مینا
سەیان و پشیکان.
- ئەوێن دەرکەڤن ژی زێدەتر خو بدەنە
ناڤا سروشتی و بن دار و باران.
دەمێ دروستبوونا هەر ئەگەرەکا کارتێکرنا تۆزبارینێ،
سەرەدانا نەخوشخانێ بکە.