AM:10:57:23/05/2022
1012 جار خوێندراوەتەوە
+
-
عمید سعدی بەرزنجی رێڤەبەرێ پۆلیسێن بەردەرەش بۆ ئێن ئار تی ڕاگەهاند، ژنەک ل سنورێ وێ قەزایێ هاتیە کوشتن ،دبێژیت ژی، دبیت هەڤژینێ وێ ئەو کارە ئەنجامدابیت.
ڕاگەهاند ژی، لدویف زانیاریێن دەستپێکی ئەو ژن ژ ئالیێ هەڤژینێ وێڤە هاتیە کوشتن و دنهادا دیارنەمایە و رەڤیە و دیڤچوونێن مە دێ بەردەوامبن هەتا تۆمەتبار دهێتە دەستەسەرکرن و دهێتە رادەستکرن بۆ دادگەهێ .
لدویف زانیاریێن بدەست ئێن ئاڕ تی کەفتین، ژیێ ئەو ژنا هاتیە کوشتن نێزیکی ٣١ سالانە و دەیکا پێنج زارۆیانە، ژیێ هەڤژینێ وێ ژی نێزیکە ژ ٣٥ سالان.
هەر لدویف زانیاریێن بدەست نووچەگەهانێ ئێن ئاڕ تی کەفتین، ل دەستپێکێ شەڕەدەف دروستبوویە و پشترا ژ ئالیێ هەڤژینێ وێ ڤە هاتیە کوشتن.
ئەڤە ددەمەکیدایە، بەریا چەند حەفتیان ل باژێرێ دهۆکێ ژی ژنەکا ٢٨ سالی ژ ئالیێ هەڤژینێ وێ ڤە ب وایری هاتە خەندقاندن و پشترا خۆ رادەستی پۆلیسان کر.
ئەڤە د دەمەکیدایە، لگۆری ئامارێن ڕێڤەبەرایا توندوتیژیا دژی ژنان، ئامارێن کوشتنا ژنان بەر ب زێدەبوونە و بتنێ د دەما چار مەهێن ئەڤسالەدا ل هەرێمێ ١٩ ژن هاتینە کوشتن کو چار ژ وان ل دهۆکێنە.
سەباح سوفی، بەردەرەش