AM:09:11:23/05/2022
516 جار خوێندراوەتەوە
+
-
کۆمیسارێ بلندێ نەتەوەیێن هەڤگرتی بۆ کاروبارێن پەنابەران و ئاوارەیان ڕاگەهاند، د نهادا ل تەڤایا جیهانێ ١٠٠ ملیۆن کەس ئاوارەنە و وەلات و ئەردێ خۆ بجهێلایە.
کۆمسیۆنا بلندا نەتەوەیێن هەڤگرتی بۆ کاروبارێن ئاوارەیان ڕاگەهاندنەک بەلاڤکر و تێدا هاتیە، فیلیپۆ گراند کۆمیسارێ رێکخراوێ ئەشکەراکر، هژمارەیا ئەو کەسێن ل تەڤایا جیهانێ ئاوارەبووین گەهشتینە ١٠٠ ملیۆن کەسان.
دیارکر ژی، ئەڤ هژمارەیە و جهێ سەرسورمان و دلگرانیێ یە و داخازدکەت هەمی ئالیەک هزر د رەوشێدا بکەن، ژبەرکو ئەڤە هژمارەیەکا پیڤاییە و نەدبوو نها هاتبا تۆمارکرن.
د پشکەکا دیا ڕاگەهاندنا کۆمسیۆنا بلندا پەنابەرێن نەتەوەیێن هەڤگرتی دا هاتیە، ل سالا ٢٠٢١ێ ٩٠ ملیۆن کەس ئاوارەبووینە ژ ئەنجامێ کارێن توندوتیژیێن ل ئەسیوبیا و بۆرکینافاسۆ و میانمار و نەیجیریا و ئەفغانستان و کۆنگۆ روویداین.
دبێژیت ژی، ئەڤسالە ژی بسەدەمێ شەڕێ دناڤبەرا روسیا و ئۆکرانیا هەشت ملیۆن وەلاتی ل ناڤخۆیا وی وەلاتی ئاوارەبووینە و شەش ملیۆنێن دی ژی بۆ دەرڤەی ئۆکرانیا ئاوارەبووینە.
ڕاگەهاندنێ ئاماژە ب وێ یەکێ ژی کر، هژمارەیا ئاوارەیێن جیهانێ ١%ێ ژ کۆما ئاکنجیێن جیهانێ پێکدئینیت کو دبنە هژمارەیا ئاکنجیێن وەلاتەکی کو هژمارە ١٤ گرتیى لسەر ئاستێ جیهانێ.
دبێژیت ژی، هژمارەیا پیڤایا ئاواریان وان کەسان ڤەدگریت کو پەنابەرن و ئەوان ژی یێن داخازا مافێ پەنابەراتیێ کری. زێدەباری وان ٥٣ ملیۆن و ٢٠٠ هزار کەسێن د ناڤ وەلاتێن خۆدا بسەدەمێ ناکۆکیێن ناڤخۆیی ئاوارەبووین.