PM:09:28:22/05/2022
696 جار خوێندراوەتەوە
+
-
ئارتێشا پاسدارێن ئیرانێ ڕاگەهاند، فەرماندەیەکێ بلند ژ دەرڤەی مالا خۆ ل رۆژهەلاتێ باژێرێ تەهڕانێ پایتەختێ وی وەلاتی کو ژ ئالیێ چەند چەکداران دەسترێژیا گوللەیان لێ هاتە کرن و هاتە کوشتن.
ئەڤرۆ ئێکشەمبی، ئارتێشا پاسدارێن ئیرانێ ڕاگەهاندنەک بەلاڤکر و تێدا ئەشکەرارکریە، چەند چەکداران کو ماتۆرسکل ڤێبوون ب دەستڕێژیا گوللەیا سەیاد خودایی فەرماندەیێ بلندێ ئارتێشا پاسدارێن ئیرانێ کوشتیە.
هەڤدەم میدیایێن فەرمیێن ئیرانێ بەلاڤکرینە، سەیاد خودایی پێنج گوللە ڤێ کەفتینە و ل نێزیک مالا خۆ ل رۆژهەلاتێ باژێرێ تەهران هاتە کوشتن.
ئەو ژی دیارکریە، هەیا نها چ ئالیەکی بەرپرسیارەتیا خۆ ژ وێ بوویەرێ ڕانەگەهاندیە.
لدویف ڕاگەهاندنا ئارتێشا پاسداران، سەیاد خودایی فەرماندەیێ بلندێ ئارتێشا پاسداران بوو و بەرەڤانیکارێ مەزارگەهێ پیرۆز بووینە کو پشکەک ژ هێزێن فەیلەقا قودس و سەرپەرشتیارێ تەڤایا ئۆپراسیۆنێن ئیرانێ دژی رێکخراوێن داعش ل ناڤخۆ و دەرڤەی وی وەلاتی کریە.