PM:06:59:22/05/2022
852 جار خوێندراوەتەوە
+
-
ئەندامەکێ مەکتەبا سیاسیا ئێکەتیێ ڕاگەهاند، لهەڤهاتنا پارتی و ئێکەتی کارەکێ بزەحمەت نینە. دبێژیت ژێ، "پێدڤیە هایداریا هنارتیا نەتەوەیێن هەڤگرتی ب گرنگی وەربگرین".
سەعدی ئەحمەد پیرە ئەندامێ مەکتەبا سیاسیا ئێکەتیێ دەربارەی دەستپێشخەریێن پارتی بۆ ئاسایکرنا پەیوەندیان د بەرنامەیێ ناڤینا رۆژێ ل ئێن ئاڕ تی ئاماژە ب وێ یەکێ کر، هەردوو ئالیان دەستپێشخەری کرینە، ژبەرکو ناکۆکی و ئالوزی کاردکەنە سەر رەوشا ئەولەکاری و ئابوریا وەلاتیان و د نهادا ئەو ئالوزیە کێمتر بووینە و ل ڤان داویان دێ ب داوی هێن.
دەربارەی جڤینێن ئێکەتی و پارتی دیارکر، ئەو جڤین بۆ ئاسایکرنا پەیوەندیێن ئێکەتی و پارتی و ئالیێن دی ژی و چارەسەریا ناکۆکیێن پرسا سەرۆکاتیا کۆماری.
بەحسا وێ یەکێ ژی کر، ئەو ئالوزیە ب ئێک جڤین ب داوی ناهێن و جڤین دێ بەردەوامبن.
دەربارەی لهەڤهاتنا پارتی و ئێکەتی بۆ پێکئینانا حکومەتا عێراقێ و ئێکلاکرنا پۆستێ سەرۆک کۆماری سەعدی ئەحمەد پیرە ئاماژە ب وێ یەکێ کر، ئەندامێن ئێکەتی و پارتی پەیوەندیێن چەند سالان پێکڤە هەنە و سانەهیە بکارن بگەهنە لهەڤهاتنێ و پرسا رژدبوون لسەر وەرگرتنا پۆستێ سەرۆک کۆماری ژ ئێکەتیێ راست نینە و ئێکەتی وێ پرسێ ب مافێ خۆ د زانیت.
هەڤدەم، سەعدی ئەحمەد پیرە ئەندامێ مەکتەبا سیاسیا ئێکەتی دەربارەی ڕاگەهاندنا جینێن پلاسخارت دەربارە هایداریدانا ئالیێن کوردی ژ هەبوونا مەترسیێ لسەر قەوارەیێ هەرێمێ ئەشکەراکر، دلگرانی ب وێ ڕاگەهاندنێ ڤە دیارە و پێدڤیە ببیتە جهێ دلگرانیێ.