PM:05:55:22/05/2022
1292 جار خوێندراوەتەوە
+
-
وەزیرێ پەروەردەیا عێراقێ بڕیاردا ب راوەستاندن و پاشخستنا دەوام و ئەزمۆنان ل رۆژا دووشەمبی ٢٣ی مەها ئەیارێ، بسەدەمێ تۆزبارینێ.
ئەڤرۆ ئێکشەمبی، عەلی حەمید وەزیرێ پەروەردەیا عێراقێ د ڕاگەهاندنەکێدا ئاماژە ب وێ یەکێ کر، لدویف پێشبینیێن تایبەت ب سەقایی دەربارەی دروستبوونا پێلا تۆزبارینێ و تەکەزکرن لسەر پاراستنا ساخلەمیا زارۆیان و خوێندەکاران بڕیاردایە ب پاشخستنا ئەزمۆنان.
دیارکریە ژی، بڕیاردایە ب پاشخستنا ئەزمۆنێن پۆلا شەشێ سەرەتایی و پۆلێن نەداوی ل رۆژێن دووشەمبی بۆ رۆژا داویێ یا خۆ بهەمان میکانزم و خشتەیێ دیارکری.
ئەڤە ددەمەکیدایە، عامر جابری پەیڤدارێ سەقاناسی و ئەردهەژێن عێراقێ د چاڤپێکەفتنەکێدا دگەل ئێن ئاڕ تی ڕاگەهاند، "پێلا تۆزبارینێ ژ سوبەهی ئێکشەمبی دێ دەستپێکەن و هەیا رۆژا سێشەمبی دێ بەردەوامبیت".
دیارکر ژی، پێلەکا تۆزبارینێ دێ بەرەف پتریا پارێزگەهێن عێراقێ هێت و هەرێما کوردستانێ ژی ڤەدگریت. گوت ژی، "ئەو دێ ٢٤ دەمژمێران چاڤدێریا رەوشێ کەن و پێشبینیێ دکەن پلەیا گەرمێ ٤ بۆ ٥ پلەیان داکەڤیت".
ئەشکەرا ژی کر، تۆزبارین ب رەنگەکێ چڕتر ل دەڤەرێن باشور و ناڤەڕاستێن عێراقێ بیت و هەرێما کوردستانێ ژی ڤەگریت.