PM:05:00:22/05/2022
684 جار خوێندراوەتەوە
+
-
شێورمەندێ سەرۆکاتیا ئۆکرانیا ڕاگەهاند، سازان دگەل روسیا دێ ئەنجامێن بەرۆڤاژی هەبن ژبەرکو پشتی هەر گرێبەستەکا گەلەک خرابتر هێرش دکەت.
میخایلۆ پۆدۆلیاک شێورمەندێ سەرۆکاتیا ئۆکرانیا د داخۆیانیەکێدا بۆ رۆژنامەیا رۆیتەرز ئاماژە ب وێ یەکێ کر، شەڕ پشتی سازانێ ناراوەستیت بۆ دەمەکێ دەمکی دهێتە راوستاندن.
بەحسا وێ یەکێ ژی کر، پشتی دەمەکی ژ سازانێ د نووچەیەکێ نویدا، روسیا چەک و هێزێن سەربازی زێدەتر دکەن و کار لسەر بهێزکرنا هێرشێن خۆ دکەن و پیچەک خۆ نویدکەن و گەلەک ژ جەنەڕالان دەردکەن و دەست ب هێرشێن نوی دکەن، هێرشێن گەلەک خویناویتر و بەرفرهتر.
پۆدۆلیاک ئەشکەراکر، ئۆکرانیا داخازیێن وەلاتێن رۆژئاڤا بۆ ئاگربەستێ رەتدکەت ژبەرکو تێدا هێزێن روسیا ل وێ دەڤەرێ بمینن کو ل باشور و رۆژهەلاتێ ئۆکرانیا داگیرکرینە، دبێژیت ژی، "پێدڤیە هێزێن روسیا وەلاتی بجهبێهلن پشترا پرۆسەیا ئاشتیێ دەستپێبکەت".
ئەڤە ددەمەکیدایە، نێزیکی سێ مەهانە هێرشێن روسیا بۆ سەر ئۆکرانیا بەردەوامن و ئەو وەلاتە راوەستاندنا شەڕی ب پاشڤەزڤرینا ئۆکرانیا ژ داخازیا ئەندامبوونێ د ناتۆیێدا.