PM:12:11:26/04/2024
352 جار خوێندراوەتەوە
+
-
لدیف زانیاریێن ئێن ئاڕ
تی، لسەر رێکا دوکان – سلێمانی 10 بوویەرەکا هاتن و چوونێ دناڤبەرا 10 ترۆمبێلان
دا روویدا و بەشەکا وان ترۆمبێلان ب تەمامی هاتینە تێکشکاندن، هەڤدەم، نووچەگەهانێ
ئێن ئاڕ تی ڕاگەهاند، کو چ زیانێن گیانی د وێ بوویەرێ دا نینە.
ئەڤرۆ ئەینی، نووچەگەهانێ
ئێن ئاڕ تی ڕاگەهاند، دەمەکی بەری نها لسەر رێکا دوکان – سلێمانی ژبەر ژدەستدانا کۆنترۆلێ
بوویەرەکا هاتن و چوونێ دناڤبەرا 10 ترۆمبێلان دا روویدا.
ئەو یەکژی بەرچاڤکر،
هژمارا برینداران زۆرن و بۆ وێ مەرەمێ ژی دوو تیمێن ساخلەمیێ و هەوارهاتنا بلەز ل
سلێمانیێ چووینە دوکان بۆ ڤەگوهاستنا برینداران بۆ نەخۆشخانەیا هەوارهاتنا
سلێمانیێ.
هەڤدەم د وێ دەربارێ ژی دا، ژێدەرەکی ژ نەخۆشخانەیا دوکان بۆ دیجیتال
میدیایا ئێن ئاڕ تی ڕاگەهاند، ب سەدەمێ وێ بوویەرێ 17کەس بریندار بوون و برینا بەشەک
ژ وان یا دژوارە و رەوانەی نەخۆشخانەیا هەوار هاتنێ سلێمانیێ دهێنە کرن، گوت ژی،
"مە داخازکریە دوو تیمێن ساخلەمیێ ل سلێمانیێ رەوانەی نەخۆشخانەیێن مە بهێنە
کرن بۆ حالەتێ ئامادە باشیێ ل دەمێ ڤەگۆهاستنا برینداران و تا نها چ ژیان ژدەستدان
نەبووینە".
خالید محەمەد- کۆیە
سابر عەبدولا – راپەڕین