PM:01:56:23/04/2024
80 جار خوێندراوەتەوە
+
-
کۆمسیۆنا بلندا هەلبژارتنێن عێراقێ داخازێ ژ وەلاتیان
دکەت، کارتا بایۆمێتریا دەنگدانێ وەربگرن و دبێژیت، بێی وێ کارتێ نەشێن دەنگی
بدەن.
کۆمسیۆنا بلندا هەلبژارتنێن عێراقێ ڕاگەهاند، هەر کەسەکێ
کارتا بایۆمێتری وەرنەگرت بیت نەشێت دەنگی بدەت.
دەربارێ هەلبژارتنا هەرێمێ و کارمەندێن کۆمسیۆنێ ژی ئاماژە ب وێیەکێ کر،
خاندەکارێن زانکۆ پەیمانگەهان ژی دشێن بۆ رۆژا هەلبژارتنێ ببنە کارمەندێن کۆمسیۆنێ.
کۆمسیۆن دبێژیت ژی، ل سنورێ پارێزگەها سلێمانیێ کۆمسیۆنێ
پێدڤی ب ١٦ هزار کارمەندان هەیە بۆ رۆژا دەنگدانێ.
دوهی دووشەمبیێ، کۆمسیۆنا بلندا هەلبژارتنێن عێراقێ ڕاگەهاند،
ئەو وەلاتیێن کارتا بایۆمێتریا دەنگدانێ دروستکرین دشێن سەردانا بنگەهان بکەن بۆ وەرگرتنا
کارتێن خۆ.
ئەڤە ژی د دەمەکێ دایە، رۆژا ئێکشەمبی جومانە غەلای پەیڤدارا
کۆمسیۆنا بلندا سەربەخۆیا هەلبژارتنێن عێراقێ راگەهاند، لژنەیا کۆمسیاران ل کۆمسیۆنا
بلند یا هەلبژارتنێن عێراقێ، شەش هزار و ٢٩٨ وێستگەهێن دەنگدانێ و هزار و ٢٦٦ ناڤەندێن
دەنگدانێ بسەر چار بازنەیێن هەلبژارتنا پەرلەمانێ کوردستانێ بۆ دەنگدانا گشتی دابەش
کرینە، بۆ دەنگدانا تایبەت ژی ٧٤٦ وێستگەهێن دەنگدانێ و ١٦١ ناڤەندێن دەنگدانێ هاتینە
پەسەندکرن.