AM:08:31:22/04/2024
332 جار خوێندراوەتەوە
+
-
لدیڤ داتایێن بازارێن جیهانی یێن پەترۆلێ، د
نها دا ئێك بەرمیلا پەترۆلا برێنت ب ٨٦ دۆلار و ٥٤ سەنتان بازار پێ دهێتەکرن، هەڤبەری
ب دوهی، بهایێ وێ هاتیە خار.
ئەڤڕۆ دووشەمبی، لدیف داتایێن بازارێن ئەنەرژیا
جیهانێ، بهایێ ئێک بەرمیلێ پەترۆلا رۆژئاڤایێ تێکساس ب ٨٢ دۆلار و ٤٥ سەنتان بازار
پێ دهێتەکرن، هەڤبەری ب دوهی بهایێ وێ هاتیە خار.
پشتی زیدە بوونا گرژی و ئالۆزیان ل رۆژهەلاتا
ناڤەراست و ب تایبەت ل سوریا، بازارێن جیهانێ نە بنەجهی بخۆڤە دیت و بهایێ ئێک بەرمیلا
پەترۆلا برێنت ب ٩٠ دۆلار و ٧٥ سەنتان بازار پێ هاتە کرن. شارەزا ئاماژە ب وێیەکێ
دکەن،"بهایێ پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا ئەنەرژیا ئەمریکا راگەهاند، د
مەها کانوونا دووێ یا ئەڤسالە دا ئاستێ وەبەرئینانا پەترۆلێ بسەدەما نزم بوونا پلەیێن
گەرمێ، ب رێژەیا ٦.٢٪ نزم بوویە و شرۆڤەکارێن پەترۆلێ ژی دبێژن، ئەڤ نزم بوونە دێ
بیتە سەدەمێ بلندبوونا بهایێ پەترۆلێ
سەدەمەکا دی یا بنەجهیا بهایێ پەترۆلێ د بلندیێ
دا، دووبارە ب ئارمانج گرتن و تەقاندنا کەشتیێن پەترۆلێ نە ژ لایێ گروپێن چەکدار،
د هەمان دەم دا هێرشێن ئۆکرانیا بۆ سەر کەشتیێن پەترۆلێ و زەڤیێن پەترۆلا رووسیا ئێکە
ژ وان سەدەما کو بهایێ پەترۆلێ بۆ سەر ٨٩ دۆلاران بلندبیت.