AM:08:25:19/04/2024
80 جار خوێندراوەتەوە
+
-
لدیڤ داتایێن بازارێن جیهانی یێن پەترۆلێ، د نها دا ئێك بەرمیلا
پەترۆلا برێنت ب ٨٨ دۆلار و ٥٩٥١ سەنتان بازار پێ دهێتەکرن، هەڤبەری ب دوهی پێنجشەمبیێ،
بهایێ وێ نێزیکی ئێک دۆلار بلند بوویە.
ئەڤڕۆ ئەینی، لدیف داتایێن بازارێن جیهانێ، بهایێ ئێک بەرمیلا
پەترۆلا رۆژئاڤایێ تێکساس ب ٨٤ دۆلار و ٢١ سەنتان بازار پێ دهێتەکرن، هەڤبەری ب
دوهی بهایێ وێ زێدەتر ئێک دۆلار بلند بوویە.
دوو رۆژ بوون بهایێ پەترۆلێ بەردەوام دهاتە خار، د دەمەکی
دا هەیاما دەربازبووی بەردەوام بهایێ وێ بلندبوو و گەهشتە سەردای ٩٠ دۆلاران.
سەدەمێن بلندبوونا بهایێ پەترۆلێ بەری نها:
پشتی زیدە بوونا گرژی و ئالۆزیان ل رۆژهەلاتا ناڤەراست و ب
تایبەت ل سوریا، بازارێن جیهانێ نە بنەجهی بخۆڤە دیت و بهایێ ئێک بەرمیلا پەترۆلا
برێنت ب ٩٠ دۆلار و ٧٥ سەنتان بازار پێ هاتە کرن. شارەزا ئاماژە ب وێیەکێ دکەن،"بهایێ
پەترۆلێ دێ نێزیک بیت ژ١٠٠ دۆلاران".
ناڤەندا کارگێڕیا ئەنەرژیا ئەمریکا راگەهاند، د مەها
کانوونا دووێ یا ئەڤسالە دا ئاستێ وەبەرئینانا پەترۆلێ بسەدەما نزم بوونا پلەیێن گەرمێ،
ب رێژەیا ٦.٢٪ نزم بوویە و شرۆڤەکارێن پەترۆلێ ژی دبێژن، ئەڤ نزم بوونە دێ بیتە سەدەمێ
بلندبوونا بهایێ پەترۆلێ
سەدەمەکا دی یا بنەجهیا بهایێ پەترۆلێ د بلندیێ دا، دووبارە
ب ئارمانج گرتن و تەقاندنا کەشتیێن پەترۆلێ نە ژ لایێ گروپێن چەکدار، د هەمان دەم
دا هێرشێن ئۆکرانیا بۆ سەر کەشتیێن پەترۆلێ و زەڤیێن پەترۆلا رووسیا ئێکە ژ وان سەدەما
کو بهایێ پەترۆلێ بۆ سەر ٨٩ دۆلاران بلندبیت.