PM:10:33:18/04/2024
84 جار خوێندراوەتەوە
+
-
بالیۆزخانەیا بەریتانیا و شاسوار عەبدولواحید سەرۆکێ ڤەلڤینا
نەوەی نوێ جڤیان و هەردوو ئالیان تەکەزی ل گرنگیا ئەنجامدانا هەلبژارتنا گەڕا شەشێ
یا پەرلەمانێ هەرێما کوردستانێ د دەمێ دیارکریێ خۆدا کرن.
ئەڤرۆ پێنجشەمبی، بالیۆزخانەیا بەریتانیا
ڕاگەهاندنەک بەلاڤکر و تێدا هاتیە، د ڤێ حەفتیێ دا دگەل ئالیێن جودایێن هەرێمێ
جڤیان بۆ تەکەزی کرن ل سەر گرنگیا ئەنجامدانا هەلبژارتنا گەڕا شەشێ یا پەرلەمانێ
کوردستانێ د دەمێ خۆ دا.
د وێ ڕاگەهاندنێ دا ئەو یەکژی هاتیە،
ئەنجامدانا هەلبژارتنا هەرێمێ د دەمێ خۆ دا بۆ دیموکراسیێ، پێشکەڤتن د پرسێن
سەرەکی و سەقامگیریا دەڤەرێ گەلەک گرنگە.
هەڤدەم، د جڤیان وان دا دگەل شاسوار عەبدولواحید سەرۆکێ ڤەلڤینا نەوەی
نوێ، هەر دوو ئالیان تەکەزی ل گرنگیا ئەنجامدانا هەلبژارتنا گەڕا شەشێ یا پەرلەمانێ
هەرێما کوردستانێ د دەمێ دیارکریێ خۆدا کرن.
ئەڤە ژی د دەمەکێدایە، ئەڤرۆ شاندەکێ
بەریتانیا سەردانا شاسوار
عەبدولواحید کر و گۆتۆبێژ ل سەر رەوشا سیاسیا عێراقێ و هەلبژارتنا پەرلەمانێ
کوردستانێ کرن، نەوەی نوێ ژی ڕاگەهاند، پیداگریێ دکەن ل سەر ئەنجامدانا هەلبژارتنا
پەرلەمانێ کوردستانێ د دەمێ خۆدا.
هەڤدەم، دوهی
چارشەمبیێ، هەر ئێک ژ کونسولێ ئەلمانیا و روسیا ل هەرێمێ ب جودا سەرەدانا شاسوار عەبدولواحید
کرن بەحسێ رەوشا هەرێمێ و هەلبژارتنا پەرلەمانێ کوردستانێ کرن.
نەوەی نوێ ژی ڕاگەهاند،
پێداگیریێ دکەن لسەر ئەمجامدانا هەلبژارتنا پەرلەمانێ کوردستانێ د دەمێ خۆدا.
ئاماژە ب وێیەکێ
ژی کرن، چارەسەرکرنا ئاریشەیێن هەرێمێ و مووچەی و ئاریشەیێن دناڤبەرا هەرێم و بەغدا
دا ب هەلبژارتن و هاتنە پێشا حکومەتەکا نووی چارەسەر دبن.