AM:10:09:17/04/2024
76 جار خوێندراوەتەوە
+
-
پەیڤدارێ حکومەتا عێراقێ
ئەشکرا کر، عێراقێ رێکەفتن دگەل ئەمریکا دا ئیمزا کریە ب مەرەما کرینا 41 بالەفرێن
سەربازی.
باسم عەوادی پەیڤدارێ حکومەتا
عێراقێ تۆرا "سی ئێن بی سی عەرەبی" ڕاگەهاند، پشتی چاڤپێکەفتنا محەمەد
شیاع سودانی سەرۆک وەزیرێن عێراقێ دگەل جۆ بایدنسەرۆکێ ئەمریکا، ئەو گرێبەستە هاتە ئیمزاکرن.
گوتژی، بەشەکا وان
بالەفڕان ب پلان و رێکەکا گونجای ژلایێ عێراقێ ڤە پارە پێ دهێتە دان و پشکەکا وان
ژی ئەمریکا ب دیاری ددەتە عێراقێ.
تەکەز ژی کر، د هەیاما
چەند مەهێن بهێت دا ئەو بالەفڕ دێ گەهنە عێراقێ و هێلەکا بەرهەمئینانا تایبەت دێ
بۆ عێراقێ هێتە ڤەکرن.
گوتژی، د جڤینا سودانی و
جۆ بایدنی دا پرسا هەلگرتنا سزایێن ئەمریکا لسەر بەشەکا بەنکێن عێراقێ و ڤەکشیانا
هێزێن هەڤپەیمانێن نێڤدەولەتی هاتنە گوتوبێژ کرن.
دوهی ژی، د جڤینا لژنەیا
بلندا هەڤبەندیا ناڤبەرا عێراق و ئەمریکا دا هەردوو ئالیان پێگیریا خۆ تەکەزکر بۆ
بەردەوامی دان ب چاکسازیێن دارایی ل عێراقێ و وان بڕیار دایە هەڤکاریێن دارایی و
هەڤکاریێن دی دناڤبەرا هەردوو ولاتان دا زێدەتر بن.
دەستپێکا ڤێ حەفتیێ لسەر
بانگهێشتنامەیا جۆ بایدن سەرۆکێ ئەمریکا و ب سەرەدانەکا فەرمی محەمەد شیاع سودانی
گەهشتە واشنتۆن و دگەل سەرۆکێ ئەمریکا دا جڤیا.