وەزارەتا دارایا حکومەتا رێڤەبرنا کارێن هەرێمێ، لیستا مووچەیێ وەزارەت و رێڤەبەریێن مایی بەلاڤکر و رۆژا چارشەمبیا حەفتیا بهێت دێ مووچەیێ هەر ئیك ژ 'سەرۆکاتیا هەرێمێ و سەرۆکایەتیا پەرلەمانێ و جڤاتا وەزیرێن هەرێمێ و وەزارەتا پێشمەرگەی و جڤاتا ئاسایشێ' دێ هێتە دابەشکرن .
جینین پلاسخارت شاندیا تایبەتا نەتەوەیێن هەڤگرتی ل عێراقێ ب مەرەما جڤینا دگەل سیستانی دا گەهشتە نەجەف.
پەیڤدارێ پۆلیسێن دهۆکێ ڕاگەهاند، بنگەهێ پۆلیسێن زاویتە شیاینە دوو کەسان ب توهمەتا مامەلەکرن ب هەیکەلێ خانیەکی دەستەسەربکەن کو یێ وان نەبوویە.
نووچەگەهانا ئێن ئاڕ تی ڕاگەهاند، ل ئێک ژ تاخێن تاسلوجەیا سەر ب سلێمانیێ، د مالەکێ دا ئاگر بەربوو بتلەکێ غازێ و ب وێ سەدەمێ دوو کەس هاتنە سۆتن.
رێڤەبەریا بالەفرخانەیا نێڤدەولەتیا بەغدا راگەهاند، ب سەدەمێ خرابیا رەوشا سەقای و هەبوونا تەم و مژێ و کێمبوونا مەودایا دیتنێ هەمی گەشتێن چوونێ ل بالەفرخانێ بۆ دەمەکێ نەدیار هاتینە ڕاگرتن.
وەزارەتا کارەبا عێراقێ ڕاگەهاند، حکومەتا عێراقێ لهەڤهاتنەکا تایبەت ب شاندنا بڕێ پێتڤیێ غازێ بۆ عێراقێ دگەل ئیرانێ دا ئیمزاکریە.
پەیڤدارێ ڕێڤەبەریا ڕەوشەنبیری و هونەری بۆ ئێن ئارتی ڕاگەهاند، ئەڤرۆ فیستیڤالا نەهێیا فلمێ نێڤدەولەتی ل دهۆکێ بڕێڤەدچیت و فلمێ ئێکێ یێ دەرهێنەرێ کوردێ باژێرێ دهۆکێ حسێن حەسەن بناڤێ بووکا بارانێ دبیت و بۆ هەیاما هەشت رۆژان دێ بەردەوام بیت.
پارێزگارێ هەولێرێ ڕاگەهاند، بهایێ کارەبا مولیدەیێن مالان هەڤئاوایێ وێیەکا هاتیە بەلاڤکرن زێدەنەکریە.
وەزارەتا پەیوەندییێن عێراقێ نڤیسارەکا فەرمی ئاڕاتسەی هەمی کۆمپانیێن ئینتەرنێتێ کر بۆ کێمکرنا ٢٠٪ یا باجا سەر کرێیا پڕکرنا هیلێن خۆ و لسەر کۆمپانیێن وان پێتڤیە ل ١ی مەها کانوونا ئێکێ یا ئەڤسالە ڤێ بڕیارێ جێبەجێ بکەن.
ل گۆڕ زانیاریێن نووچەگەهانێ ئێن ئاڕ تی ل پارێزگەها دهۆکێ، ب سەدەمێ باران بارینا ب هێز ل سەنتەرێ پارێزگەها دهۆکێ لەهی دروستتبوویە ئاڤ چوویە د ناڤ نێزیکی ١٥ خانی و مارکێتاندا و ئاستەنگیا هاتن و چوونێ دروستکریە.
محمەد شیاع سودانی سەرۆک وەزیرێن عێراقێ، بانگهێشتنامەک ل ئیبراهیم رەئیسی سەرۆک کۆمارێ ئیرانێ پێ گەهشت بۆ وێیەکێ کو سەرەدانا ئیرانێ بکەت.
وەزارەتا دەرڤەیا فەرەنسا ڕاگەهاند، دلتەنگن ژ هێرشێن تورکیا بۆسەر دەڤەرێن سنوریێن هەرێمێ و رۆژئاڤایێ کوردستانێ. دبێژیت ژی، "پێتڤیە لسەر هەمیان پارێزگاریێ ژ سەروەریا ئاخا عێراقی بکەن".
رێڤەبەرێ پۆلیسێن ڕاپەرین بەلاڤکریە، ئەڤرۆ ئێڤاری ژ ئالیێ هێزێن پۆلیسێن رانیە ل نێزیک بەنداڤا دوکان تەرمەک هاتە دیتن کو ئێخستبوو بن ئاخێ، دبێژیت ژی، "وەسا دیارە ئەو تەرم ژ رەگەزێ مێ بیت".
روسیا داخاز ژ تورکیا کر خۆ ژ هێرشێن زەمینی بۆ سەر دەڤەرێن سوریا دویر بگریت و دبێژیت ژی، "ئەڤ جۆرە پێنگاڤە دبیتە سەدەمێ پەرەسەندنا توندوتیژییان."
ڕێڤەبەریا هاتن وچوونا هەولێرێ ڕاگەهاند، هەمی شۆفێران هایدار دکەین کو د رۆژا چارشەمبیدا کار ل جاددەیا ١٢٠مەتری د ناڤبەرا شەقلاوە- کەسنەزاندا دهێتە کرن،هەر ژ بەر وێیەکێ پێتڤیە وێ پشکێ بکاربینن کو بۆ هاتیە دیاریکرن.
لگور زانیاریێن نووچەگەهانێ ئێن ئاڕ تی بریندارەکێ دی ژی یێ تەقینا شەڤا دەربازبووی ل نەخۆشخانەیا سۆتنێ ل دهۆکێ ژیاناخۆ ژدەستدا.
رێڤەبەرێ ناحیا حاجی ئۆمەران بۆ ئێن ئاڕ تی ڕاگەهاند، دەرازینکا حاجی ئۆمەران نەهاتیە داخستن و ھاتن و چوونا بازرگانی و گەشتیاری رانەوەستایە. دبێژیت ژی، "سوپایێ پاسداران چ هێز ل وی سنوری کۆم نەکرینە".
سەرۆکێ دەم بسەرڤەچوویێ هەرێمێ ب مەرەما بسەرکرنا وان ١٤ کەسێن د تەقینا سلێمانیێدا ژیانا خۆ ژ دەست داین پشکداریا پرسا وان کر و ڕاگەهاند، "بزاڤ دهێنەکرن کو هەمی ئاریشەیان چارەسەرببن".
سەقاناسیا عێراقێ ڕاگەهاند، بۆ هەیاما سێ رۆژان ئەسمانێ دەڤەرێن هەرێمێ ساهی و پارچێن عەوری دبن و پێشبینی دهێتەکرن پلێن گەرمێ کێمەکێ بلندببن. و دبێژیت ژی، " د رۆژا سێشەمبیێ دا بارانێن خورت ل دەڤەرێن هەرێمێ دێ بارن".
ل گۆڕ زانیاریێن نووچەگەهانێ ئێن ئاڕ تی، ل ئەنجامێ وەرگەریانا پاسەکا گەشتیاران ل بێخال هژمارەکا گەشتیاران برینداربوون.